நடிகர் விக்ரம் பிரபுவின் மகனுக்கு பிறந்தநாள் வாழ்த்து கூறிய விராட் கோலி

நடிகர் திலகம் சிவாஜி கணேசனின் பேரனும், பிரபுவின் மகனுமான விக்ரம் பிரபு, கும்கி திரைப்படத்தில் அறிமுகமாகி இவன் வேற மாதிரி, அரிமா நம்பி உள்ளிட்ட 10 க்கும் மேற்பட்ட படங்களில் நடித்துள்ளார். இவருக்கு 2007ஆம் ஆண்டில் லட்சுமி உஜ்ஜைனி என்பவருடன் திருமணம் நடைபெற்றது.

இத்தம்பதிக்கு விராட் என்ற மகன் உள்ளார். அவரது பிறந்தநாள் நேற்று கொண்டாடப்பட்டது. தனது பெயரைக் கொண்ட சிறுவனின் பிறந்தநாள் தொடர்பாக சமூக வலைத்தளம் மூலம் அறிந்த இந்திய கிரிக்கெட் அணி கேப்டன் விராட் கோலி, சிறுவன் விராட்டுக்கு வீடியோ மூலம் டுவிட்டரில் வாழ்த்து கூறியுள்ளார்.

தனது மகனுக்கு வாழ்த்து தெரிவித்து கோலி அனுப்பிய வீடியோவை டுவிட்டரில் பதிவிட்டுள்ள நடிகர் விக்ரம் பிரபு, உங்களின் தீவிர ரசிகனான எனது மகனுக்காக நேரம் செலவிட்டு வாழ்த்து தெரிவித்ததற்கு மிக்க நன்றி என கூறியுள்ளார்.

Leave a Reply

Your email address will not be published. Required fields are marked *