மீண்டும் சீனு ராமசாமி இயக்கத்தில் நடிக்கும் விஜய் சேதுபதி!
விஜய் சேதுபதி நடிப்பில் தற்போது வெளியாகி இருக்கும் ‘96’ திரைப்படம் வெற்றிகரமா திரையரங்குகளில் ஓடிக்கொண்டிருக்கிறது. இப்படத்தை அடுத்து இவரது நடிப்பில் ‘சூப்பர் டீலக்ஸ்’, ‘சீதக்காதி’ உள்ளிட்ட பல படங்கள் உருவாகி அடுத்தடுத்து வெளியாக இருக்கிறது.
இந்நிலையில், அடுத்ததாக சீனுராமசாமி இயக்கத்தில் நடிக்க இருக்கிறார் விஜய் சேதுபதி. இந்த படத்தை யுவன் சங்கர் ராஜா தயாரிக்க இருக்கிறார். மேலும் யுவன் சங்கர் ராஜாவுடன் இளையராஜாவும் இணைந்து இசையமைக்க இருப்பதாக கூறப்படுகிறது.
ஏற்கனவே சீனுராமசாமி, விஜய் சேதுபதி, யுவன் கூட்டணியில் ‘தர்மதுரை’ திரைப்படம் வெளியாகி சூப்பர் ஹிட்டானது குறிப்பிடத்தக்கது.
