ஹீரோவான காமெடி நடிகர் சூரி

தனுஷ், மஞ்சு வாரியர், இயக்குனர்கள் பாலாஜி சக்திவேல், சுப்ரமணிய சிவா, பசுபதி உள்ளிட்ட பலர் நடிப்பில் உருவாகி வரும் படம் ‘அசுரன்’. தாணு தயாரித்து வரும் இந்த படத்தை வெற்றிமாறன் இயக்கி வருகிறார். ‘வெக்கை’ நாவலை மையப்படுத்தி இந்த படம் உருவாகிறது. கோவில்பட்டியை சுற்றி நடைபெற்று வந்த இந்தப் படத்தின் படப்பிடிப்பு இறுதி கட்டத்தை எட்டியுள்ளது.

இன்னும் 10 நாட்கள் மட்டுமே படப்பிடிப்பு இருக்கிறது. அதையும் விரைவில் துவங்க படக்குழு தயாராகி வருகிறது. இதனிடையே தன் அடுத்த படத்துக்கு தயாராகி வருகிறார் இயக்குநர் வெற்றிமாறன். இதில் நாயகனாக நடிக்க நகைச்சுவை நடிகர் சூரி ஒப்பந்தமாகியுள்ளார்.

வெற்றிமாறன் அணுகியவுடனே நாயகனாக நடிக்க சம்மதித்துள்ளார். இந்தப் படம் கண்டிப்பாக தன் திரையுலக பயணத்தை மாற்றியமைக்கும் என்ற நம்பிக்கையில் இருக்கிறார் சூரி. இந்தக் கூட்டணி தொடர்பான அதிகாரப்பூர்வ அறிவிப்பு இன்னும் 2 நாட்களில் வெளியாகும் என எதிர்பார்க்கப்படுகிறது.