வெஸ்ட் இண்டீஸுக்கு எதிரான தொடர்! – ஆப்காஸ்தான் அணி அறிவிப்பு

ஆப்கானிஸ்தான் இந்தியாவை சொந்த மைதானமாக கொண்டு விளையாடி வருகிறது. ஆப்கானிஸ்தான் கிரிக்கெட் அணி வெஸ்ட் இண்டீஸ் அணியை எதிர்த்து மூன்று டி20 மற்றும் மூன்று ஒருநாள் போட்டிகள் கொண்ட தொடர்களில் விளையாடுகிறது.

இந்தத் தொடர்கள் உத்தர பிரதேசத்தில் உள்ள எகனா ஸ்டேடியத்தில் நடக்கிறது. இதற்கான ஆப்கானிஸ்தான் அணி அறிவிக்கப்பட்டுள்ளது.

இரண்டு வகையான ஆப்கானிஸ்தான் அணிக்கும் ரஷித் கான் கேப்டனாக நியமிக்கப்பட்டுள்ளார். அஸ்கர் ஆப்கன், முகமது நபி ஆகியோர் அணியில் இடம் பிடித்துள்ளனர். புதுமுக வீரர் பரீத் அகமது மாலிக் டி20 அணியில் சேர்க்கப்பட்டுள்ளார்.

ஒருநாள் போட்டிக்கான அணியில் விக்கெட் கீப்பராக இக்ராம் அலி கில் சேர்க்கப்பட்டுள்ளார். ஒருநாள் கிரிக்கெட் தொடர் நவம்பர் 6, 9 மற்றும் 11-ந்தேதிகளில் நடக்கிறது. டி20 கிரிக்கெட் போட்டி நவம்பர் 14, 16 மற்றும் 17-ந்தேதிகளில் நடக்கிறது.

இரு அணிகளுக்கும் இடையிலான ஒரேயொரு போட்டி கொண்ட டெஸ்ட் தொடர் நவம்பர் 27-ந்தேதியில் டிசம்பர் 1-ந்தேதி வரை நடக்கிறது.