வெற்றிமாறன் இயக்கத்தில் சூர்யா!
வெற்றிமாறன் இயக்கத்தில் தனுஷ் நடித்த அசுரன் படம் கடந்த சில மாதங்களுக்கு முன்னர் வெளியாகி விமர்சன ரீதியாக நல்ல வரவேற்பை பெற்றதோடு 100 கோடிக்கும் மேல் வசூலித்து பிளாக்பஸ்டர் ஹிட்டானது. இப்படத்தை தொடர்ந்து வெற்றிமாறன் விஜய்யை வைத்து படம் இயக்க உள்ளதாக செய்திகள் பரவி வந்தன.
இந்நிலையில், வெற்றிமாறன் அடுத்ததாக சூர்யாவின் 40-வது படத்தை இயக்குகிறார். இதற்கான அதிகாரப்பூர்வ அறிவிப்பு வெளியாகி உள்ளது. இப்படத்தை தயாரிக்கும் கலைப்புலி எஸ். தாணு, டுவிட்டரில், ‘’அசுரனின் அசுர வெற்றியைத் தொடர்ந்து இயக்குனர் வெற்றிமாறன், முதல் முறையாக சூர்யாவுடன் இணையும் சூர்யாவின் 40வது படத்தை எனது வி கிரியேஷன்ஸ் தயாரிப்பதில் மகிழ்ச்சி’’ என தெரிவித்துள்ளார்.
