வருங்கால கணவர் புகைப்படத்தை வெளியிட்ட காஜல் அகர்வால்

தமிழ், தெலுங்கு திரைப்பட உலகில் முன்னணி நடிகையாக வலம் வரும் காஜல் அகர்வால், கமல்ஹாசன் உடன் ‘இந்தியன் 2’ படத்தில் நடித்து வருகிறார். காஜல் அகர்வாலுக்கும் மும்பையைச் சேர்ந்த தொழிலதிபர் கவுதம் கிட்சுலுவுக்கும் அக்டோபர் 30-ம் தேதி மும்பையில் திருமணம் நடைபெற இருக்கிறது.

இத்தகவலை காஜல் அகர்வால் கடந்த அக்டோபர் 6-ம் தேதி சமூகவலைதளங்களில் வெளியிட்டிருந்தார். இதையடுத்து திருமணத்துக்கு முன்பாக நண்பர்களுடன் பேச்சிலர் பார்ட்டி கொண்டாடிய காஜல் அகர்வால் அதையும் தனது இன்ஸ்டாகிராமில் பதிவிட்டிருந்தார்.

இந்நிலையில் முதல்முறையாக தனது வருங்கால கணவருடன் எடுத்துக் கொண்ட புகைப்படத்தை பதிவிட்டிருக்கும் அவர் தசரா வாழ்த்துகளையும் தெரிவித்துள்ளார்.