ரூ.120 கோடி செலவில் உருவாகும் தனுஷின் தெலுங்குப் படம்!

கோலிவுட், பாலிவுட் மற்றும் ஹாலிவுட் பாடங்களில் நடித்துள்ள தனுஷ், அடுத்ததாக டோலிவுட்டில் அறிமுகமாக உள்ளார். இப்படத்தை பிரபல தெலுங்கு இயக்குனர் சேகர் கமுலா இயக்க உள்ளார். இப்படம் தமிழ், தெலுங்கு, இந்தி ஆகிய மூன்று மொழிகளில் உருவாக உள்ளதால் அதிக பட்ஜெட்டில் தயாரிக்க திட்டமிட்டுள்ளார்களாம். அதன்படி இப்படம் 120 கோடி ரூபாய் பட்ஜெட்டில் பிரம்மாண்டமாக தயாராக உள்ளதாக கூறப்படுகிறது.

நடிகர் தனுஷின் மார்க்கெட் தற்போது இந்தியா மட்டுமின்றி வெளிநாடுகளிலும் பரந்து விரிந்துள்ளதால், இப்படத்தை உலகம் முழுவதும் வெளியிட முடிவு செய்துள்ளார்களாம். தற்போது இப்படத்தில் நடிக்கும் இதர நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருகிறது. மேலும் இதில் தனுஷுக்கு ஜோடியாக நடிக்க நடிகை சாய் பல்லவியிடம் பேச்சுவார்த்தையும் நடத்தி வருகின்றனர்.