மகத் படத்தில் இணைந்த யோகி பாபு

அஜித்துடன் மங்காத்தா படத்திலும் விஜய்யுடன் ஜில்லா படத்திலும் நடித்தவர் மகத். அதன்பின் பிக் பாஸ் நிகழ்ச்சியில் கலந்துகொண்டு மிகவும் பிரபலமானார். இவர் தற்போது கெட்டவன்னு பேர் எடுத்த நல்லவன்டா என்ற படத்தில் கதாநாயகனாக நடித்து வருகிறார்.

இதில் கதாநாயகியாக ஐஸ்வர்யா தத்தா நடிக்கிறார். தற்போது இவர்களுடன் முன்னணி காமெடி நடிகரான யோகி பாபு இணைந்திருக்கிறார். இப்படத்தில் புதையலை தேடும் கடற்கொள்ளையனான ப்ளாக் ஸ்பாரோ ( Black Sparrow) வாக நடிக்கிறார்.

இப்படத்தினை இயக்குநர் பிரபு ராம் சி இயக்கியுள்ளார். படத்தின் இசை, டிரெய்லர் மற்றும் வெளியீட்டு தேதி பற்றிய அறிவிப்புகள் விரைவில் வெளியாக இருக்கிறது.