பரத்துக்கு ஜோடியாகும் வாணி போஜன்

தொலைக்காட்சி தொடர்களில் நடித்து பிரபலமான வாணி போஜன், ‘ஓ மை கடவுளே’ படம் மூலம் சினிமாவுக்கு வந்தார். அந்த படத்தில் வாணி போஜன் நடிப்புக்கு பாராட்டுகள் கிடைத்தன. இதையடுத்து அவருக்கு பட வாய்ப்புகள் குவிந்து வருகின்றன.

அந்த வகையில், விக்ரம் பிரபு ஜோடியாக ‘பாயும் ஒளி நீ எனக்கு’, சசிகுமாருக்கு ஜோடியாக ‘பகைவனுக்கு அருள்வாய்’, விக்ரமுக்கு ஜோடியாக ‘சியான் 60’, சூர்யா தயாரிக்கும் 2 படங்கள், ராதாமோகன் இயக்கும் படம் என ஏராளமான படங்களை கைவசம் வைத்துள்ளார் வாணி போஜன்.

இந்நிலையில், அவர் நடிக்கும் புதிய படம் குறித்த தகவல் வெளியாகி உள்ளது. அதன்படி பரத்துக்கு ஜோடியாக வாணி போஜன் நடிக்க உள்ளாராம். திரில்லர் கதையம்சம் கொண்ட இப்படத்தை அறிமுக இயக்குனர் ஒருவர் இயக்க உள்ளாராம். இப்படத்தின் படப்பிடிப்பு சென்னையில் வருகிற ஏப்ரல் மாதம் தொடங்க உள்ளது. விரைவில் இதுகுறித்த அதிகாரப்பூர்வ அறிவிப்பு வெளியாகும் என கூறப்படுகிறது.