நடிகர் விமலுக்கு தங்கையான பிக் பாஸ் பிரபலம்

பசங்க, களவாணி படங்களில் நடித்து பலருடைய கவனத்தை ஈர்த்தவர் விமல். இவர் நடிப்பில் இறுதியாக கன்னிராசி என்ற படம் திரைக்கு வந்தது. தற்போது புதிய படத்தில் நாயகனாக நடித்து வருகிறார் விமல்.

மார்ட்டின் நிர்மல் குமார் இயக்கும் இந்த புதிய படத்தை உதய் புரோடக்சன்ஸ் மற்றும் மேஜிக் டச் பிச்சர்ஸ் நிறுவனங்கள் தயாரிக்கிறது. குடும்ப உறவுகளையும் மையமாக வைத்து உருவாகியுள்ள புதிய படத்தில் நடிகர் விமலின் சகோதரியாக அனிதா சம்பத் நடிக்கிறார். இவர் கடந்த பிக்பாஸ் சீசனில் கலந்து கொண்டவர் என்பது குறிப்பிடத்தக்கது.

தன் தங்கைக்கு திருமணம் செய்து வைக்க போராடும் ஒரு அண்ணனின் வாழ்வை மையமாகக் கொண்டு இப்படம் உருவாக்கப்பட்டுள்ளது. இப்படத்தில் விமலுடன் பாண்டியராஜன், வத்சன், வீரமணி, ஆடுகளம் நரேன், பாலசரவணன், தீபா உள்ளிட்ட பலர் நடித்துள்ளார்கள்.