சிவகார்த்திகேயன் படத்தில் இணைந்த பாலிவுட் நடிகர் ஷரத் கெல்கர்!

நடிகர் சிவகார்த்திகேயன் நடிப்பில் கடந்தாண்டு வெளியான நம்ம வீட்டு பிள்ளை, ஹீரோ போன்ற படங்கள் நல்ல வரவேற்பை பெற்றன. இவர் தற்போது இன்று நேற்று நாளை பட இயக்குனர் ரவிக்குமார் இயக்கும் புதிய படத்தில் நடித்து வருகிறார். இப்படத்தில் சிவகார்த்திகேயனுக்கு ஜோடியாக ரகுல் பிரீத் சிங் நடிக்கிறார்.

பிரம்மாண்டமாக உருவாகும் இப்படத்திற்கு ஏ.ஆர்.ரகுமான் இசையமைக்க உள்ளார். இந்நிலையில், இப்படத்தில் பிரபல பாலிவுட் நடிகர் ஷரத் கெல்கர் நடிக்க உள்ளதாக தகவல் வெளியாகியுள்ளது. இப்படம் மூலம் இவர் கோலிவுட்டில் அறிமுகமாகவுள்ளார். மேலும் பாலிவுட் நடிகை இஷா கோபிகரும் இப்படத்தில் முக்கிய கதாபாத்திரத்தில் நடிக்க ஒப்பந்தமாகியுள்ளார்.