‘கேஜிஎப் 2’ படத்தின் பஸ்ட் லுக் ரிலீஸ்

பிரஷாந்த் நீல் இயக்கத்தில் ராக் ஸ்டார் யஷ் நடிப்பில் கே.ஜி.எப் படம் இரண்டு பாகங்களாக உருவாகுவதாக அறிவிக்கப்பட்டிருந்தது. கே.ஜி.எப் முதல் பாகத்திற்கு நல்ல வரவேற்பு கிடைத்துள்ளது. கன்னட சினிமா மட்டுமின்றி, தமிழ், தெலுங்கு, மலையாளம், இந்தி என பல்வேறு மொழிகளிலும் படம் வசூல் குவித்துள்ளது.

கன்னடத்தில் ரூ.200 கோடி வசூலை தாண்டிய முதல் படம் என்ற பெருமை கே.ஜி.எப் படத்திற்கு கிடைத்துள்ளது. இந்த படத்தின் தமிழ் பதிப்பை நடிகர் விஷால் தனது தயாரிப்பு நிறுவனமான விஷால் பிலிம் பேக்டரி மூலம் வெளியிட்டார். கோலார் தங்க சுரங்கத்தில் பல காலமாக இருந்து வந்த அடிமை முறையை வெளிப்படுத்தும் விதமாக இப்படம் அமைந்திருந்தது.

இந்த படத்தின் வெற்றியை தொடர்ந்து கே.ஜி.எப் இரண்டாம் பாகமும் உருவாகி வருகிறது. இதற்கான படப்பிடிப்பு முழுவீச்சில் நடைபெற்று வருகிறது. இந்நிலையில் இப்படத்தில் பர்ஸ்ட் லுக் போஸ்டரை படக்குழு இன்று வெளியிட்டது. அதில் அதீரா என்னும் வில்லன் கதாபாத்திரத்தில் சஞ்சய் தத் நடிக்க உள்ளதாக தெரிவிக்கப்பட்டுள்ளது.