உலக டெஸ்ட் சாம்பியன்ஷிப் – இந்திய அணி அறிவிப்பு

இந்தியா- நியூசிலாந்து அணிகளுக்கு இடையிலான ஐசிசி உலக டெஸ்ட் சாம்பியன்ஷிப் இறுதிப் போட்டி வருகிற 18-ந்தேதி (வெள்ளிக்கிழமை) இங்கிலாந்தில் உள்ள சவுத்தாம்ப்டன் மைதானத்தில் தொடங்குகிறது.

இந்த போட்டி மற்றும் இங்கிலாந்துக்கு எதிராக ஐந்து போட்டிகள் கொண்ட டெஸ்ட் தொடரில் விளையாடுவதற்காக 20-க்கும் மேற்பட்ட வீரர்களை கொண்ட இந்திய அணி சென்றுள்ளது. கொரோனா காலம் என்பதால் முன்னெச்சரிக்கை நடவடிக்கையாக அதிக வீரர்கள் சென்றுள்ளனர்.

போட்டி தொடங்குவதற்கு இன்னும் இரண்டு நாட்கள் மட்டுமே உள்ள நிலையில் 15 பேர் கொண்ட இந்திய அணி அறிவிக்கப்பட்டுள்ளது. 6 பேட்ஸ்மேன்கள், இரண்டு விக்கெட் கீப்பர்கள், இரண்டு சுழற்பந்து வீச்சாளர்கள், ஐந்து வேகப்பந்து வீச்சாளர்கள் இடம் பிடித்துள்ளனர்.

15 பேர் கொண்ட இந்திய அணி விவரம்:-

1. விராட் கோலி (கேப்டன்), 2. ரகானே (துணைக் கேப்டன்), 3. ரோகித் சர்மா, 4. ஷுப்மான் கில், 5. புஜாரா, 6. ஹனுமா விஹாரி, 7. ரிஷப் பண்ட், 8. சகா, 9. அஷ்வின், 10. ஜடேஜா, 11. பும்ரா, 12. இஷாந்த் சர்மா, 13. முகமது ஷமி, 14. உமேஷ் யாதவ், 15. முகமது சிராஜ்.