இயக்குநர் ராம் இயக்கத்தில் நடிக்கும் சித்தார்த்!

சசி இயக்கத்தில் சித்தார்த்-ஜிவி பிரகாஷ் நடிப்பில் உருவாகியுள்ள ”சிவப்பு மஞ்சள் பச்சை” படம் விரைவில் ரிலீசாக உள்ளது. அக்கா-தம்பி பாசத்தை ஒரு புதிய கோணத்தில் சொல்லும் படமாக உருவாகி இருக்கும் இந்த படத்தில் போக்குவரத்து போலீஸ் இன்ஸ்பெக்டராக சித்தார்த்தும், பைக் ரேசராக ஜி.வி.பிரகாஷும் நடித்துள்ளனர்.

இந்நிலையில், சித்தார்த் நடிக்கும் அடுத்த படம் குறித்த தகவல் வெளியாகியுள்ளது. கற்றது தமிழ், தங்கமீன்கள், பேரன்பு போன்ற படங்களை இயக்கிய ராம் இயக்கத்தில் சித்தார்த் நடிக்க உள்ளதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாக வாய்ப்புள்ளது.