இந்தியா, தென் ஆப்பிரிக்கா இடையிலான கிரிக்கெட் தொடர் – ரசிகர்களுக்கு அனுமதி இல்லை

தென்னாப்பிரிக்கா சென்றுள்ள இந்திய கிரிக்கெட் அணி அந்நாட்டு அணியுடன் மூன்று டெஸ்ட் போட்டிகள் மற்றும் மூன்று ஒருநாள் போட்டிகளில் பங்கேற்கிறது. சிவப்பு பந்துகளை பயன்படுத்தும் டெஸ்ட் விளையாட்டு போட்டிகள் செஞ்சூரியன், கேப்டவுன், மற்றும் ஜோகன்னஸ்பர்க் நகரில் நடைபெறுகின்றன. இரு அணிகள் மோதும் முதல் டெஸ்ட் போட்டி வருகிற 26-ந் தேதி செஞ்சூரியனில் தொடங்குகிறது.

இந்நிலையில் தென்னாப்பிரிக்க கிரிக்கெட் சங்கம் வெளியிட்டுள்ள அறிக்கையில் தெரிவித்திருப்பதாவது:

அதிகரித்து வரும் கொரோனா தொற்று காரணமாக, கிரிக்கெட்டின் மிக தீவிர ரசிகர்கள் மற்றும் அனைத்து விளையாட்டு போட்டி பிரியர்களுக்கும் தென்னாப்பிரிக்க கிரிக்கெட் சங்கம் வருத்தத்துடன் இதனை தெரிவித்துக் கொள்கிறது. உள்நாட்டில் கொரோனா 4வது அலையை கருத்தில் கொண்டு, இரண்டு கிரிக்கெட் சங்கங்களும் ஒரு கூட்டு முடிவை எடுத்துள்ளன.

இந்தியாவுக்கு எதிரான போட்டிகளுக்கு டிக்கெட்டுகளை வழங்காமல் வீரர்களையும் இந்த சுற்றுப்பயணத்தையும் பாதுகாக்க முடிவு செய்யப்பட்டுள்ளது.

கொரோனா ஆபத்தை கருத்தில் கொண்டு இந்த சுற்றுப்பயணத்தில் எந்த விதிமீறல்கள் சமரசம் தவிர்க்கும் பொருட்டும், ஆபத்தில்லா சுற்றுச்சூழலை பாதுகாக்கவும் இந்த முடிவு எடுக்கப்பட்டுள்ளது.

இந்த சூழலில் இரு நாடுகளுக்கு இடையேயான போட்டிகள் சூப்பர் ஸ்போர்ட் மற்றும் எஸ்.ஏ.பி.சி. தளங்களில் ஒளிபரப்பப்படும் என்பதை அனைத்து கிரிக்கெட் ரசிகர்களுக்கும் நினைவூட்ட விரும்புகிறோம்.

இது தவிர பொது இடங்களில் போட்டி ஒளிபரப்புதல் உள்ளிட்ட மாற்று செயல்பாடுகளையும் தென்னாப்பிரிக்க கிரிக்கெட் சங்கம் ஆராய்ந்து வருகிறது. இவ்வாறு அந்த அறிக்கையில் கூறப்பட்டுள்ளது.