இங்கிலாந்துக்கு எதிரான 2வது டெஸ்ட் – அசத்திய வார்னர், லாபஸ்சேன் ஜோடி

ஆஸ்திரேலியா- இங்கிலாந்து அணிகளுக்கு இடையிலான ஆஷஸ் தொடரின் 2-வது டெஸ்ட் அடிலெய்டில் இன்று தொடங்கியது. பகல்- இரவு போட்டியான இதில் ஆஸ்திரேலியா டாஸ் வென்று பேட்டிங் தேர்வு செய்தது.

டேவிட் வார்னர், மார்கஸ் ஹாரிஸ் ஆகியோர் தொடக்க வீரர்களாக களம் இறங்கினர். மார்கஸ் ஹாரிஸ் 3 ரன்கள் எடுத்த நிலையில் வெளியேறினார்.

அடுத்து வார்னர் உடன் லாபஸ்சேன் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. இந்த ஜோடியை இங்கிலாந்து பந்து வீச்சாளர்களால் பிரிக்க முடியவில்லை.

டேவிட் வார்னர் 108 பந்தில் அரைசதம் அடித்தார். லாபஸ்சேன் 156 பந்தில் அரைசதம் அடித்தார். தேனீர் இடைவேளை வரை ஆஸ்திரேலியா 53 ஓவரில் ஒரு விக்கெட் இழப்பிற்கு 129 ரன்கள் சேர்த்துள்ளது.