அமெரிக்க ஓபன் டென்னிஸ் நியூயார்க் நகரில் நடைபெற்று வருகிறது. ஆண்கள் ஒற்றையர் பிரிவுக்கான 4-வது சுற்று ஆட்டங்கள் நடைபெற்று வருகின்றன. இதில், இத்தாலி நாட்டைச் சேர்ந்த மேட்டியோ பெரெட்டினி, ஸ்பெயினின் அலெஜாண்டிரியோ டேவிடோவிச் போகினோ ஆகியோர் மோதினர்.
முதல் செட்டில் தோல்வி அடைந்த பெரேட்டினி அடுத்த 2 செட்களை தனதாக்கினார். நான்காவது செட்டை மீண்டும் போகினோ கைப்பற்றினார். வெற்றியாளரை நிர்ணயிக்கும் 5வது செட்டை பெரேட்டினி வென்றார். இறுதியில், 3-6, 7-6, 6-3, 4-6, 6-2 என்ற செட் கணக்கில் போகினோவை வென்ற பெரெட்டினி காலிறுதிக்கு முன்னேறினார்.