பிரெஞ்ச் ஓபன் டென்னிஸ் – மெத்வதேவ், ஜானிக் சின்னர் இரண்டாவது சுற்றுக்கு முன்னேற்றம்

பிரெஞ்ச் ஓபன் டென்னிஸ் தொடர் பிரான்ஸ் தலைநகர் பாரீசில் நடைபெற்று வருகிறது. ஆண்கள் ஒற்றையர் பிரிவில் நடந்த முதல் சுற்று போட்டி ஒன்றில் உலகின் 2-ம் நிலை வீரரான ரஷியாவின் டேனியல் மெத்வதேவ், அர்ஜென்டினாவின் ஃபகுண்டோ பாக்னிஸை எதிர்த்து விளையாடினார்.

இதில் மெத்வதேவ் 6-2, 6-2, 6-2 என்ற நேர் செட்கணக்கில் வெற்றி பெற்றார். இதன்மூலம் அவர் 2-வது சுற்றுக்கு தகுதி பெற்றுள்ளார்.

இதேபோல், இத்தாலியை சேர்ந்த ஜானிக் சின்னர், அமெரிக்காவைச் சேர்ந்த பிரெடஞ்சலோவை எதிர்கொண்டார். இதில் 6-3, 6-2, 6-3 என்ற செட்களில் சின்னர் வெற்றி பெற்று அடுத்த சுற்றுக்கு முன்னேறினார்.