தனுஷின் ‘பேட்ட’ கெட்டப்பின் ரகசியம் வெளியானது!

கார்த்திக் சுப்புராஜ், தற்போது தனுஷ் நடிக்கும் புதிய படத்தை இயக்கி வருகிறார். கேங்ஸ்டர் திரில்லர் பாணியில் உருவாகும் இந்த படத்தின் முதற்கட்ட படப்பிடிப்பு லண்டனில் நடைபெற்றது. பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடிக்கிறார். பேட்ட படத்தில் ரஜினி நடித்த பேட்ட வேலன் கெட்டப்பில் தனுஷ் இருப்பது போன்ற புகைப்படங்கள் சமூக வலைதளங்களில் வைரலாகின.

இந்நிலையில், அந்த கதாபாத்திரத்தின் பெயர் சுருளி என தெரியவந்துள்ளது. இப்படத்தில் தனுஷுக்கு ஜோடியாக ஐஸ்வர்யா லட்சுமி, சஞ்சனா ஆகிய 2 ஹீரோயின்கள் நடிக்கின்றனர். தனுஷ், சஞ்சனா நடிக்கும் திருமண காட்சிகள் படமாக்கப்பட்டு வருகின்றன. இது தொடர்பான வீடியோக்களும், புகைப்படங்களும் சமூக வலைதளத்தில் கசிந்துள்ளன. இது படக்குழுவினரை அதிர்ச்சியில் ஆழ்த்தியுள்ளது. இந்த மாத இறுதிக்குள் இப்படத்தின் படப்பிடிப்பு நிறைவடையும் என கூறப்படுகிறது.

Leave a Reply

Your email address will not be published. Required fields are marked *