ஜெயம் ரவிக்கு ஜோடியான டாப்ஸி

ஜெயம் ரவி நடிப்பில் கடந்த ஆகஸ்ட் 15-ந் தேதி வெளியான ’கோமாளி’ படம் விமர்சன ரீதியாகவும், வசூல் ரீதியாகவும் நல்ல வரவேற்பை பெற்று வருகிறது. இதனை தொடர்ந்து, அவர் அடுத்ததாக நடிக்கும் படத்தை என்றென்றும் புன்னகை, மனிதன் போன்ற படங்களை இயக்கிய அகமது இயக்க உள்ளார். இதற்கான முதற்கட்ட படப்பிடிப்பு அர்பைஜான் நாட்டில் நடைபெற உள்ளதாக கூறப்படுகிறது.

இந்நிலையில், இப்படத்தில் ஜெயம் ரவிக்கு ஜோடியாக டாப்ஸி நடிக்க உள்ளதாக தகவல் வெளியாகியுள்ளது. கடந்த சில வருடங்களாக இந்தி படங்களில் கவனம் செலுத்தி வந்த டாப்ஸி, சமீபத்தில் ’கேம் ஓவர்’ படம் மூலம் தமிழில் ரீ-என்ட்ரி கொடுத்தார். இந்தியில் அக்‌ஷய் குமாருடன் இவர் நடித்த ’மிஷன் மங்கள்’ திரைப்படம் சமீபத்தில் வெளியாகி வெற்றிகரமாக ஓடிக்கொண்டிருக்கிறது.

Leave a Reply

Your email address will not be published. Required fields are marked *