ரபேல் விவகாரத்தில் ராகுல் தொடர்ந்து பொய் பேசி வருகிறார் – அமைச்சர் பியுஷ் கோயல்

ரயில்வே மற்றும் கம்பெனி விவகாரங்கள் துறை மந்திரி பியுஷ் கோயல் டெல்லியில் நிருபர்களுக்கு பேட்டி அளித்தார். அப்போது அவர் கூறியதாவது;

தேசியவாத நலன்களையும் தேசிய பாதுகாப்பையும் முக்கியமாக வைத்திருப்பதில் ஒரு தெளிவான நிலை எடுத்துள்ளோம். மிக முக்கியமான பாதுகாப்பு உபகரணங்கள் வாங்குவதை விரைவுபடுத்த அரசாங்கம் முடிவு செய்தது.

முந்தைய காங்கிரஸ் ஆட்சிக் காலத்தைவிட, எல்லா வகையிலும் சிறந்த முறையில் ரபேல் ஒப்பந்தத்தை பாஜக அரசு செய்ததுள்ளது. ரிலையன்ஸ் டிபென்ஸ் நிறுவனத்தை கூட்டாளியாக தேர்வு செய்தது டசால்ட் நிறுவனம்தான் என்பதை அதன் சிஇஓ எரிக் டிராப்பியர் தெளிவாக உறுதிப்படுத்தி உள்ளார்.

ஆனால் ராகுல்காந்தியோ பிரான்ஸ் ஊடகங்களில் வெளியாகும் தகவல்களை திரிப்பதாகவும், தொடர்ந்து பொய்களை கூறுவதாகவும் அவர் கண்டனம் தெரிவித்தார். ஒரே பொய்யை நூறு முறை திரும்பக் கூறினாலும் அது உண்மையாகி விடாது . பிரஞ்சு செய்தி ஊடக அறிக்கையை முடுக்கிவிட்டு, முன்னாள் பிரதம மந்திரி ஒரு திருடன் என்று பொய் சொல்கிறார். ராகுல் காந்தி தொடர்ச்சியாக ரபேல் விவகாரத்தில் உண்மைக்கு புறம்பாக பொய் சொல்கிறார்.

காங்கிரஸ் கட்சி ஒரு சிக்கல் நிறைந்த கட்சி, அவர்களின் தலைமையால் அடிப்படை உண்மைகளை புரிந்து கொள்ள முடியவில்லை மற்றும் அவர்களது சொந்த தவறுகளை மறைக்க முயற்சி செய்கிறார்கள்.

நாட்டின் பாதுகாப்பிற்காக உணர்திறன் கொண்டிருக்கும் ரபேலின் விலை மற்றும் தொழில்நுட்ப விவரங்களைப் பற்றி விவாதிக்க உச்ச நீதிமன்றம் கூட மறுத்து விட்டது என கூறி உள்ளார்.