பூமிகா கதாநாயகியாக நடித்த மல்லப்பூவு என்னும் தெலுங்குப் படம் பெரும் வெற்றி பெற்றது. இது இப்போது தமிழில் மல்லிகை என்ற பெயரில் ரீமேக் செய்யப்படுகிறது. தெலுங்கில் நடித்த பூமிகாவே தமிழிலும் நாயகியாக நடிக்கிறார். கதாநாயகன் முரளிகிருஷ்ணன். சரத்குமாருடன் 1977 படத்தில் நடித்துவரும் பர்ஸப்னா, இன்னொரு கதாநாயகியாக நடிக்கிறார்.
அனுராதா, அபிநயஸ்ரீ, கோவை சரளா, பாலிவுட் வில்லன் நடிகர் மகேஷ் உள்ளிட்ட பலரும் இப்படத்தில் நடிக்கிறார்கள்.
இப்படத்தின் சிறப்பம்சம், பூமிகா, பெரும்பாலான காட்சிகளில் ஆண் வேடமிட்டுக் காமெடி செய்வதுதான். காதலும் காமெடியும் கலந்து உருவாகும் மல்லிகையைக் கதை, திரைக்கதை, வசனம் எழுதி இயக்குபவர் வி.சமுத்திரம். இசை இளையராஜா.
