லைகா தயாரிப்பில் உதயநிதி நடிக்கும் படத்தின் படப்பிடிப்பு முடிந்தது

May 18, 2017, Chennai

Ads after article title

சென்னை, மே 18 (டி.என்.எஸ்) தொடர் வெற்றி படங்களைத் தயாரித்து வரும் லைகா புரொடக்ஷன்ஸ் தயாரிக்கும் 9வது படத்தைத் ’தூங்காநகரம்’, ’சிகரம் தொடு’ என இரண்டு வெற்றி படங்களை இயக்கிய இயக்குநர் கௌரவ் நாராயணன் இயக்கியுள்ளார்.


 

உதயநிதி ஸ்டாலின் கதாநாயகனாகவும் மஞ்சிமா மோகன் கதாநாயகியாகவும் நடிக்கும் இப்படத்தில் சூரி, ராதிகா சரத்குமார், ஆர்.கே.சுரேஷ், டேனியல் பாலாஜி உள்ளிட்ட பல பிரபல நட்சத்திரங்கள் நடித்துள்ளனர். 

சென்னை, அலஹாபாத், ஐதராபாத், பெங்களூரு, திருவண்ணாமலை, ஓமன் எனப் பல இடங்களில் நடைபெற்ற இப்படத்தின் படப்பிடிப்பு நேற்று இனிதே நிறைவடைந்தது. 

இன்னும் பெயரிடப்படாத இப்படத்தின் பெயர் மற்றும் இசை வெளியீடு மற்றும் படம் வெளியீடு தேதிகள் விரைவில் அதிகாரப்பூர்வமாக அறிவிக்கப்படவுள்ளன. 

டி.இமான் இசையமைத்துள்ள இப்படத்திற்கு ரிச்சர் எம்.நாதன் ஒளிப்பதிவு செய்துள்ளார். விதேஷ் கலையை நிர்மாணிக்க, திலிப் சுப்பராயண் சண்டைப்பயிற்சியையும், நிகில் மக்கள் தொடர்பையும் கவனிக்கின்றனர். பிரவீன் கே.எல் எடிட்டிங் செய்கிறார்.