இந்தப் படத்தில் திலக் என்பவர் கதாநாயகனாக நடிக்கிறார். நாயகியாக பூர்ணா நடிக்கிறார். இவர் மலையாளத்தில் மம்முட்டி, மோகன்லாலுக்கு ஜோடியாக நடித்தவர். இதுதவிர தற்போது பரத்துடன் முனியாண்டி மூன்றாமாண்டு விலங்கியல் படத்தின் நாயகியாக நடிக்கிறார். மலேசியாவை சேர்ந்த காண்டீபன் என்பவர் வில்லனாக அறிமுகமாகிறார். இவர் மலேசியாவில் பிரபலமான சின்னத்திரை நடிகர் என்பது குறிப்பிடத்தக்கது.

முழுக்க முழுக்க கொடைக்கானலில் படமாக்கப்பட்ட 'ராம்' படம் பெரிய வெற்றியடைந்தது. அது போலவே கொடைக்கானல் படமும் படத்தின் பெயருக்கேற்ற வகையில் முழுக்க முழுக்க கொடைக்கானலிலேயே படமாக்கப்பட்டுள்ளது. சமீபத்தில் இப்படத்திற்காக திலக் பூர்ணா பங்குபெற்ற 'அஞ்சுவிரலை நெஞ்சில வச்சான் யம்மா, யம்மா'...... என்ற பாடல் காட்சியை படமாக்கினோம். இப்பாடல் பெரிய வரவேற்பை பெரும் என்றார் இயக்குநர் டி கே போஸ்..